Կարմիր պանդայի երեք ձագերին ցուցադրել են Սիդնեյի կենդանաբանական այգու այցելուներին

Հազվագյուտ կարմիր պանդայի երեք ձագերին ցուցադրել են Սիդնեյի Տարոնգա կենդանաբանական այգու այցելուներին: Տեսանյութում ցուցադրված է, թե ինչ տեսք ունեն փոքրիկ պանդաները:

Փոքրիկները լույս աշխարհ են եկել դեկտեմբերի 7-ին: Դա իսկական իրադարձություն է դարձել կենդանաբանական այգու աշխատակիցների համար: Կարմիր կամ փոքր պանդաները կաթնասուններ են գիշատիչների կարգի շնակերպ ենթակարգի պանդաների ընտանիքից, որոնք, չնայած դրան, սնվում են առավելապես բուսականությամբ: Դրանք չափերով փոքր-ինչ խոշոր են կատվից: