Օրվա աստղագուշակը․ ի՞նչ է սպասվում կենդանակերպի յուրաքանչյուր նշանին ապրիլի 19-ին

Խոյ։ Օրն ակտիվության չի տրամադրում. նվազում է ազարտը, աճում է սենտիմենտալությունը: Բացառված չէ փակուղու զգացումը: Օգտակար է մաքրել ներքին աշխարհը, ազատվել անպետք հիշողություններից և կասկածներից: «Կախված» իրադարձություններում հաշտվեք անորոշության հետ և համբերատար եղեք: Ամեն ինչ կլուծվի իր ժամանակին: Եթե առողջությունը թույլ է տալիս, շատ ջուր խմեք: Դա կօգնի մաքրել օրգանիզմը:


Ցուլ։ Կարելի է ծրագրեր կազմել մոտ ապագայի համար: Օգտակար է երևակայել ցանկալի իրադարձությունների պատկերները, սակայն դա պետք է անել թուլացած վիճակում, լռության մեջ կամ երաժշտության ներքո: Հատուկ ուշադրություն դարձրեք այլընտրանքային տարբերակներին: Բացառված չէ, որ հենց դրանք ձեզ պետք գան: Լավ օր է կին Ցուլերի համար, քանի որ ընդգծում է նրանց կանացիությունը, ամրացնում է հոգեբանական ճկունությունը: Տղամարդկանց խորհուրդ չի տրվում զբաղվել առաջադրանքներով, որոնք արագ արձագանք են պահանջում:

Երկվորյակ։ Այսօր կարելի է ոչ մի տեղ չշտապել: Տրամադրությունն անկայուն կլինի: Հնարավոր են տարօրինակ քմահաճույքներ, հակասող ցանկություններ: Ապագան գուշակելու փորձերն անօգուտ են: Ընդունեք իրականությունը և մտովի պատրաստ եղեք մի քանի հնարավոր սցենարների: Եթե դուք սիրում եք անորոշությունը, ապա այս օրերին կզգաք ձեզ, ինչպես ձուկը ջրում: Սակայն հիշեք, որ վաղ թե ուշ ստիպված եք լինելու ընտրություն կատարել:


Խեցգետին։ Խեցգետինների համար այսօր կան բոլոր պայմանները հանդարտության մեջ լինելու համար: Ներքին աշխարհն ավելի կայուն է դառնում: Կենսական խնդիրները ժամանակավորապես կորցնում են սրությունը, պատահական թյուրիմացությունները մոռացվում են: Հավելյալ ներդաշնակեցնող ազդեցություն կգործեն երաժշտությունը, նուրբ հումորը, հոգևոր աշխարհում խորասուզումը: Շատ Խեցգետիններ գերզգայուն կլինեն: Երազանքները կիրականանան, եթե անկեղծ հավատաք դրանց:

Առյուծ։ Առյուծներին անհրաժեշտ է ազատվել այն ամենից, ինչը մեռած բեռ է դարձել: Դրանք կարող են լինել իրեր, կապեր, կապվածություններ, հիշողություններ: Օգտակար է հրաժարվել կասկածներից և աշխարհի նկատմամբ չափազանց իդեալիստական հայացքներից, եթե դրանք խանգարում են մոտենալ նպատակին: Այսօր խորհուրդ չի տրվում մարդկանց մեջ երկար գտնվել: Բացառված չէ միայնության, կարոտի զգացումը: Կարող է ուժեղանալ դյուրազգացությունը, մելամաղձությունը, լալկանությունը: Անցանկալի է ֆիզիկական ծանրաբեռնվածությունը:


Կույս։ Կույսերին անհրաժեշտ է վերանայել շփումները, հատկապես՝ գործընկերային: Ժամանակն է խաչ քաշելու պատահական կապերի վրա, որոնք կորցրել են ակտուալությունը: Նշանակալի հարաբերություններում անհրաժեշտ է ճշտել դերերը, մոռանալ նախկին վիրավորանքները, վերացնել հակասությունները: Հաշվի նստեք երկրորդ կողմի կարծիքի հետ: Հենց դա է հիմա որոշիչը: Այսօր լավ է ռոմանտիկ կապերի համար, եթե զգացմունքները փոխադարձ են: Դրանցում կամրանա փոխըմբռնումը, ի հայտ կգան նոր, ընդհանուր երազանքներ և ծրագրեր:

Կշեռք։ Օրը հարմար է առօրյա թեթև գործերի համար: Հնարավոր է քնկոտություն, թմրածություն: Այդ դեպքում չարժե գերազանցել պլանը: Սահմանափակվեք հասարակ զբաղմունքներով: Ինքնազգացողության լավացման և թարմացման համար կարելի է թարմ խոտերից պատրաստված թեյ խմել: Ամուսնական կամ սիրային հարաբերություններում վերջ տվեք զուգընկերոջ գունատ պատճենը լինելու սովորությանը: Մոտ ապագայի մասին ծրագրերում հիմնվեք ձեր նոր, փոփոխված պահանջների վրա:


Կարիճ։ Կարիճների համար օրը բարեհաջող է: Ներքին վիճակը կայունանում է, իսկ արտաքին գործոնները դասավորվում են, ինչպես հարկն է: Հավասարակշռվում է ինքնագնահատականը, վերանում է ինչ-որ մեկին ինչ-որ բան ապացուցելու ցանկությունը: Անձնական հարաբերություններում և ստեղծագործական ասպարեզում պայմաններ են ստեղծվում սահուն կերպով այլ մակարդակ անցնելու համար: Եթե մեկից բաժանվում եք, հրաժեշտը կլինի խաղաղ, սենտիմենտալ նոտաներով: Ընդհանուր առմամբ պասիվ օր է: Կարելի է դիտել ֆիլմեր, լսել երաժշտություն, պատկերացնել և գրի առնել ստեղծագործ գաղափարները:

Աղեղնավոր։ Աղեղնավորներին հարմար կլինի չեզոք կամ պասիվ պահվածքը: Գործերի մեջ բնական ընդմիջումը ձեր ուշադրությունը կուղղի ընտանեկան մթնոլորտին և այն վայրի ընդհանուր դրությանը, որտեղ ապրում եք կամ ծրագրում եք ապրել: Շատ Աղեղնավորների կճնշի իրադրության անորոշությունը: Հնարավոր է՝ բնակվեք երկու տներում առանց պաշտոնական գրանցման: Եթե ընտրության առջև եք կանգնած, մի՛ փորձեք կատարել այն հենց հիմա. դեռ ժամանակը չէ:


Այծեղջյուր։ Խուսափեք աղմուկից և վազվզոցից, նոր գործեր մի՛ ձեռնարկեք: Տարօրինակ հաղորդագրությունները և պատահական հանդիպումներն ընդունեք հումորով: Դրանցում կարող է թաքնված իմաստ լինել: Այծեղջյուրների հոգեկան աշխարհի վրա այսօր դրական կազդեն զբոսանքները, մտերմիկ զրույցները, ռոմանտիկ երազանքները: Երեկոն կարելի է անցկացնել ընտանեկան հարմարավետ մթնոլորտում՝ ֆիլմ դիտել, գիրք ընթերցել, երաժշտություն լսել: Վատ չէ նաև չափավոր քանակով ալկոհոլը:

Ջրհոս։ Ջրհոսները ճիշտ կանեն՝ ուշադրություն դարձնեն սեփական քսակին և, ընդհանրապես, սեփական միջոցներին: Անպետք իրերն ավելի լավ է տալ նրան, ով դրանց կարիքն ունի: Ցանկալի չեն պահուստի համար գնումները: Այսօրվա ճաշացանկը կթելադրի տրամադրությունը: Լսեք օրգանիզմի ձայնը: Եթե սնունդը ճիշտ կազմակերպվի, դեղորայքի կարիք չի զգացվի:


Ձկներ։ Օրվա գլխավոր իրադարձությունը Ձկների համար ոչ թե արտաքին, այլ ներքին բնույթի է: Նախկին տրամադրվածությունները հարմարեցրեք ներկայիս հանգամանքներին, սակայն արեք դա զգուշորեն: Մի՛ շտապեք հրաժարվել սովոր երազանքներից, աստիճանաբար փոխեք դրանք նորերով: Հոգեբանական փոխակերպումն ամրապնդեք ֆիզիկական մարմնի մասին հոգատարությամբ: Այսօր տեղին է ազատ գրաֆիկը: Եթե շտապ գործեր չունեք, կարելի է հանգստյան օր վերցնել և մի լավ քնել: