«Բաֆալո» թևիկներ. օրվա բաղադրատոմսը

Positive-ը ներկայացնում է «Բաֆալո» թևիկների բաղադրատոմսը:

1. Նախ թևիկները բաժանում են 3 մասի հոդերով: Ծայրից բացի՝ մնացած մասերն օգտագործվում են ուտեստի համար:

2. Թևիկները ջեռոցով պատրաստել պետք չէ: Իսկական «Բաֆալոն» ֆրիտյուրով են պատրաստում:

3. Մեգախրթխրթան կեղև ստացվում է միայն ստորև բերված կանոններրը պահպանելու դեպքում:

4. Պատրաստի թևիկները մատուցում են դասական սոուսով՝ կծու Frank’s Red Hot սոուսը համադրելով կարագի հետ: Ուտեստի լրացում է նաև բլյու-չիզ սոուսը և գազարը նեխուրի ցողուններով:

Բաղադրիչները՝

2,8 լ. գետնանուշի կամ կանճրակի յուղ

1,8 կգ հավի թևիկներ

8 ճ. գ. կարագ

1 բաժակ Frank’s Red Hot սոուս

Բլյու-չիզ սոուս, նեխուր, գազար ըստ ճաշակի

Պատրաստումը՝

1. Յուղը լցրեք կաթսայի մեջ, դրեք թևիկները, կրակ վառեք: Յուղը տաքացրեք մինչև 107-120 աստիճան, թևիկները տապակեք մոտ 20 րոպե՝ պարբերաբար շրջելով:

2. Թևիկները հանեք, դրեք սկուտեղով ցանցի վրա, թողեք մոտ մեկ ժամ:

3. Յուղը նորից տաքացրեք մինչև 200 աստիճան, մեջը թևիկները տապակեք մինչև ոսկեգույն դառնալը: Ամեն չափաբաժնի համար մոտ 10 րոպե կպահանջվի:

4. Frank’s Red Hot սոուսը խառնեք կարագին, տաքացրեք մարմանդ կրակի վրա մինչև կարագն ամբողջովին լուծվի: Սոուսը մեծ ամանի մեջ լցրեք, մեջն ավելացրեք պատրաստի թևիկները:

5. Մատուցեք նեխուրով, գազարով և պանրի սոուսով:

Նյութը հրապարակման պատրաստեց Positive-ը

Տեղեկացրե՛ք Ձեր մտերիմներին