Կաղամբով և վարունգով աղցան ձմեռվա համար

Այսօր առաջարկում ենք ձեզ կաղամբով, լոլիկով, պղպեղով և վարունգով մի շատ հեշտ և համեղ աղցան պատրաստել ձմեռվա համար։ Բաղադրությամբ այն թեթև ամառային աղցան է հիշեցնում, իսկ ձմռանն օգնում է զգալ ամառվա համն ու ջերմությունն անգամ ամենացուրտ օրերին։

Անհրաժեշտ բաղադրիչներ

◆ Գազար – 1 կգ

◆ Բուլղարական պղպեղ – 1 կգ

◆ Վարունգ – 1 կգ

◆ Կաղամբ – 1 կգ

◆ Սոխ – 1 կգ

◆ Լոլիկ – 1 կգ

◆ Շաքարավազ – 5 ճ․գ․

◆ Բուսայուղ – 200 մլ

◆ Աղ – 5 ճ․գ

◆ Քացախ – 200 մլ

Պատրաստման եղանակը

1. Սկզբի համար պատրաստեք բանջարեղենը։ Կաղամբը բարակ կտրատեք, գազարը քերիչով անցկացրեք։ Պղպեղը մաքրեք և բարակ ձողիկներով կտրատեք։

2. Վարունգը և լոլիկը բարակ շերտերով կտրատեք, իսկ սոխը՝ կիսալուսնաձև։ Այս ամենը լցրեք խորը մետաղական կաթսայի մեջ։

3. Կաթսայի մեջ ավելացրեք աղը, զտված ձեթը և քացախը։ Խառնեք և թողեք մեկ ժամ։ Այս ընթացքում ստերիլիզացրեք բանկաները։

4. Հիմա բանջարեղենը հասցրեք եռման վիճակի և եփեք 10 րոպե։ Բանջարեղենը լցրեք բանկաների մեջ և դրանք պահածոյացրեք։

5. Բանկաները սառչելուց հետո դրանք նկուղ իջեցրեք կամ ձմռան համար պահեք ցանկացած մութ և զով տեղում։

Նյութը հրապարակման պատրաստեց Positive-ը

Տեղեկացրե՛ք Ձեր մտերիմներին