Ելակով մուսային տորթ

Քաղցր ելակի սեզոնին կարելի է բազմաթիվ համեղ աղանդերներ պատրաստել։ Ահա ելակով այդպիսի մի անհավանական գեղեցիկ և համեղ մուսային տորթ ենք առաջարկում պատրաստել այսօր։

Անհրաժեշտ բաղադրիչներ

◆ Ելակ – 1 կգ

◆ Դոնդողանյութ (ժելատին) – 30 գրամ

◆ Վանիլի էքստրակտ – 1 թ․գ․

◆ Սերուցք – 300 մլ

◆ Շաքարավազ – 75 գրամ

◆ Ալյուր – 75 գրամ

◆ Լիմոնի հյութ – 1 ճ․գ․

◆ Շաքարի փոշի – 150 գրամ

◆ Կաթնաշոռային պանիր – 750 գրամ

◆ Ձու – 3 հատ

◆ Նուշի ալյուր – 25 գրամ

◆ Աղ – 1 պտղունց

Պատրաստման եղանակը

1. Ձվերը շաքարավազով հարեք։ Ավելացրեք նուշի ալյուրը և ցորենի ալյուրն ու աղը։ Խառնեք։

2. Առանձնացվող կողքերով ձևամանի մեջ (18սմ) յուղաթուղթ փռել։ Լցնել խմորը և թխել 15 րոպե 180 աստիճանի տակ։ Այս ընթացքում հարել սերուցքը։

3. Ժելատինի վրա ջուր լցնել և խառնել, թողնել 20 րոպե։ 250 գրամ ելակը հարեք լիմոնի հյութով՝ վերածելով խյուսի։ Ելակի զանգվածից 1 ճ․գ․ ավելացրեք ժելատինի վրա և խառնեք։ Այնուհետև ամբողջ ժելատինը լցրեք խյուսի վրա։

4. Ավելացրեք շաքարի փոշին և վանիլի էքստրակտը։ Լավ խառնեք։ Ավելացրեք կաթնաշոռային պանիրը և հարած սերուցքը։

5. 20-22 սմ տրամագծով խորը թասի մեջ սննդային թաղանթ փռեք։ 750 գրամ ելակը կես-կես կտրատեք և թասի ամբողջ մակերեսով շարեք՝ ինչպես ցույց է տրված տեսանյութում։

6. Այնուհետև լցրեք կաթնաշոռա-ելակային ողջ կրեմը, իսկ վրայից դրեք թխված խմորը՝ մի թեթև սեղմելով։

7. Տորթը 12 ժամով դրեք սառնարանը։

Բարի ախորժակ

Նյութը հրապարակման պատրաստեց Positive

Տեղեկացրե՛ք Ձեր մտերիմներին